🥀 ସାଙ୍ଗ... ମୁଁ ତତେ କେବେ ଭୁଲିବିନି 🥀
ସାଙ୍ଗ...
ମୁଁ ତତେ କେବେ ଭୁଲିବିନି।
କାରଣ ତୁ କେବଳ ଗୋଟିଏ ଲୋକ ନୁହଁ,
ତୁ ମୋ ଜୀବନର ସବୁଠୁ ସୁନ୍ଦର ଅଧ୍ୟାୟ।
ମନେ ଅଛି ତ...
ସେଇ ଅକାରଣ ହସ,
ସେଇ ଛୋଟ ଛୋଟ ଝଗଡ଼ା,
ସେଇ ରାତିସାରା କଥା,
ଆଉ "ସାଙ୍ଗରେ ଅଛି" ବୋଲି ଦେଇଥିବା ଭରସା।
ଦୁନିଆ ବଦଳିଗଲା...
ସମୟ ବଦଳିଗଲା...
ଆମ ରାସ୍ତା ବି ଅଲଗା ହୋଇଗଲା...
କିନ୍ତୁ ଗୋଟିଏ କଥା
ଆଜି ବି ବଦଳିନି—
ସାଙ୍ଗ...
ତୁ ମୋ ହୃଦୟରେ ଆଜି ବି ସେଇ ଜାଗାରେ ଅଛୁ।
ହୁଏତ ଆଜି
ଆଗ ଭଳି କଥା ହୁଏନି
ମେସେଜ୍ ଆସେନି
କଲ୍ ବି ହୁଏନି...
କିନ୍ତୁ ଏହାର ଅର୍ଥ
ବନ୍ଧୁତା ଶେଷ ହୋଇଗଲା ନୁହେଁ।
ସାଙ୍ଗ ଥିଲୁ...
ସାଙ୍ଗ ଅଛୁ...
ଆଉ ସାଙ୍ଗ ହୋଇ ରହିଥିବୁ। ❤️
କାରଣ ସତ ବନ୍ଧୁତା
ଦୂରତାରେ ଭାଙ୍ଗେନି
ନୀରବତାରେ ମରେନି
ସମୟ ସହିତ ହଜିଯାଏନି।
କେବେ ଯଦି
ମୋ କଥା ମନେ ପଡ଼େ
ଗୋଟିଏ ମେସେଜ୍ କରିଦେବୁ—
"ହେ ବୋକା... କେମିତି ଅଛୁ?"
ମୁଁ ସେଦିନ ବି
ସେଇ ପୁରୁଣା ହସରେ କହିଦେବି—
"ଭଲ ଅଛି..."
କିନ୍ତୁ ମୋ ଆଖି କହିଦେବ—
"ମୁଁ ତୋତେ କେବେ ହରାଇନି...
କେବଳ ସମୟ ଆମକୁ ଦୂର କରିଦେଇଛି।"
ଶେଷରେ ମାତ୍ର ଗୋଟିଏ କଥା...
"ପ୍ରେମ ମିଳିପାରେ ପୁଣି ଥରେ... କିନ୍ତୁ ସତ ସାଙ୍ଗ ଦ୍ୱିତୀୟ ଥର ମିଳେନାହିଁ। ସେଥିପାଇଁ... ସାଙ୍ଗ, ମୁଁ ତତେ କେବେ ଭୁଲିବିନି। ସାଙ୍ଗ ଥିଲୁ ସାଙ୍ଗ ଅଛୁ ଆଉ ସାଙ୍ଗ ହୋଇ ସବୁଦିନ ରହିଥିବୁ...!!" 🥀❤️
1 Comments